Астана мен Алматыда жалған медициналық анықтамалар сатылған

Астана мен Алматы қалаларында Жаңа адамдар Ayana clinic-те жалған медициналық анықтамалардың сатылу дерегін анықтады, деп хабарлайды Politico.kz.

Жаңа адамдардың AntiLipa азаматтық науқаны жалған құжаттар мәселесімен жүйелі түрде күресіп келеді. Осыған дейін қозғалыс «Ayana clinic»-ке қатысты тергеу ұсынып, клиниканың екі рет жалған медициналық анықтамалар сатқанын әшкереледі. Жағдай қоғамда резонанс туғызды. Белсенділер рейдінен кейін мәселеге БАҚ пен Денсаулық сақтау министрлігі де араласты.

Осыған қарамастан, анықтама сату дерегі тоқтамады. Белсенділер қайта тексеріс жүргізді. Жаңа зерттеу аясында Астана мен Алматы қалаларындағы «Ayana clinic» филиалдарында 22 бақылау сатып алуы жасалды. Нәтижесінде өткен күнмен рәсімделген анықтамалар, тексерусіз берілген медициналық кітапшалар және процедурадан өтпей берілген флюорография анықтамалары алынған. Әрбір құжат талдаусыз және медициналық қараусыз рәсімделген. Осыған дейін клиника басшылығы мұндай әрекеттерге қатысы барын жоққа шығарған еді. Алайда клиника директоры Абдуразах Уали медициналық құжатты сату кезінде камераға түсіп қалды.

Жаңа адамдар клиника ашық жауап беруі үшін баспасөз конференциясын ұйымдастырды. Барлық сатып алынған анықтамалар көрсетілген үлкен баннер ұсынылды. Белсенділер клиника өкілдеріне нақты сұрақтар қойып, дәлелдер келтіріп, ашық қоғамдық диалог бастауға тырысты.

Клиника өкілдері қандай да бір заңбұзушылықтарды мойындамай, өздерін кінәсіз санауды жалғастырды. Баспасөз конференциясы кезінде түрлі медициналық анықтамалардың бағасы нақты көрсетілген прайс-лист табылды. Оның ішінде өткен күнмен рәсімделетін анықтамалар мен аурухана парақтары да болған.

Мемлекет басшысы Қасым-Жомарт Тоқаев атап өткендей, «медицина саласындағы жалғандықпен күрес — ел үшін басымдыққа ие. Нақты өзгерістер қоғам жалғанды қалыпты құбылыс ретінде қабылдаудан бас тартқанда басталады».

"AntiLipa азаматтық науқаны азаматтарды шетте қалмауға шақырады. Мәселе біз қандай елде өмір сүргіміз келетінінде: құжат шынайылыққа негізделген елде ме, әлде жалғандық қалыпты нәрсеге айналған қоғамда ма?", - деді "Жаңа адамдар" өкілі Даниил Львов.