Астанада 11 адам лифт ішінде қамалып қалды (ВИДЕО)

Елордалық құтқарушылар лифт ішінде қалып қойған адамдарға көмекке келді, деп хабарлайды Politico.kz.

ТЖМ мәліметінше, түнде Сарайшық ауданындағы көп қабатты тұрғын үйлердің бірінде 11 адам, оның ішінде 5 бала лифт ішінде қамалып қалды. Лифт 3-қабатттан төмен қарай түсіп, екінші қабат пен бірінші қабат аралығында тоқтап қалған.

Шақырту орнына барған құтқарушылар лифт есігін ашып, адамдарға шығуға көмектесті. Олар медициналық көмекке мұқтаж болмады.