Астанада алты баланың әкесі көшедегі қыздың жамбасын ұстап өтті

Астанада фитнес-жаттықтырушыға тиіскен алты баланың әкесі ұсталды, деп хабарлайды POLITICO.KZ саяси-әлеуметтік порталы.

Елордада Арина есімді жаттықтырушы көшеде жұмыс істеп жатқанда, жасы үлкен ер адамның тиіскенін видеоға түсіріп, әлеуметтік желіде жариялаған. Видео қоғамдық резонанс тудырып, Астана полициясының назарына ілікті.

Бейнежазбада жаттықтырушы қыздың хоккей мектебінің терезесін жуып жатқаны, сол сәтте белгісіз ер адамның оның жамбасынан ұстап өткені көрінеді. Қыз қатты шошып, не айтарын білмей абдырап қалған. Кейін Арина полицияға арыз жазған. Астана қаласының полиция департаменті бұл оқиғаға қатысты жедел әрекет етіп, күдіктіні анықтап, ұстады. Ол 58 жастағы алты баланың әкесі болып шықты. Қазіргі уақытта «Ұсақ бұзақылық» бабы бойынша іс қозғалып, материалдар сотқа жіберілді.