Астанада ауруханада емдеу кезінде 9 айлық сәби күйіп қалды

Астанада ауруханада 9 айлық сәби ауруханада ем алу кезінде кенет күйіп қалған, деп хабарлайды Politico.kz.

Сәбидің анасы мұны дәрігерлердің салғырттығынан көріп отыр. 

KöpSöz Telegram арнасының мәліметінше, астаналық әйелдің қызы №3 қалалық жұқпалы аурулар ауруханасына пневмония диагнозымен жатқызылған. Сәби жансақтау бөлімінде емделген. Анасының айтуынша, емдеу кезінде медициналық қызметкерлердің немқұрайлығынан сәби аяғынан күйік алған.

Анасы медициналық қауіпсіздік талаптарының сақталмағанын және қажетті бақылаудың болмағанын айтып отыр. Ол ресми тексеру жүргізіп, жауапты тұлғаларды тәртіптік және басқа да жауапкершілікке тартуды талап етіп отыр. 

Ал Астана қаласының қоғамдық денсаулық басқармасы бұл факті бойынша қызметтік тексеру жүргізіліп жатқанын жеткізді.