Астанада элиталық тұрғын үй кешенінің подъезін мұз басты (ВИДЕО)
Астананың сол жағалауында элиталық тұрғын үй кешенінің подъезін мұз басты, деп хабарлайды Politico.kz.
Әлеуметтік желілерде мұз қатқан подъездегі баспалдақтардың видеосы тарады.
Жазба авторының айтуынша, видео «Водно-Зеленый бульвар» тұрғын үй кешенінде түсірілген.
Кадрлардан баспалдақтар, подъезд қабырғалары мен кіреберісінде мұз қатып қалғанын көруге болады.
«Сұмдық. Астана қаласындағы еліміздің бас партиясы отыратын офистің Водно-Зеленый бульвар, тұрғын үй кешенінің баспалдақтарына мұз басып кетті», – делінген жазбада.
«Астана-Теплотранзит» кәсіпорны бұл тұрғын үй кешеніне жылу қалыпты режимде беріліп жатқанын, жылу жеткізуде ешқандай шектеулер тіркелмегенін хабарлады.
Компанияның мәліметінше, 24 қаңтарда Қонаев көшесіндегі үйдің төртінші подъезінің 12-қабатындағы баспалдақ алаңында жылыту жүйесінің радиаторынан ақау анықталған.
«Ақауға байланысты радиаторлар ауыстырылғанға дейін баспалдақ алаңының жылуы уақытша өшірілді», – делінген компания хабарламасында.
Компания ақауға жылыту жүйесінің қатып қалуы себеп болғанын атап өтті. Бұл баспалдақ алаңының есіктері ұзақ уақыт бойы 8-қабаттан 14-қабатқа дейін ашық тұрғандықтан осындай жағдай орын алған.
Соңғы жаңалықтар
