Астанада көлік жарылысынан зардап шеккен азамат көз жұмды

Астанада жеңіл көліктің жарылуынан ауыр жарақат алып, жансақтау бөлімінде жатқан Алмас Әдешов қайтыс болды. Бұл туралы оның қызы Aйым әлеуметтік желіде жазды, деп хабарлайды Politico.kz.

Қаралы хабарды бөліскен қызы әкесінің қиналып кеткенін айтып, әсерлі жазба жариялаған. Сондай-ақ ол отбасылық мұрағаттағы бейнежазбаны жариялап, әкесін еске алды.

Марқұмның қызының айтуынша, жарылыс болған сәтте көлікте ата-анасы мен екі сіңлісі болған. Оқиғадан кейін әкесі жансақтау бөліміне түскен, ал қалған отбасы мүшелерінің жағдайы тұрақты болған.

Еске салайық, қайғылы оқиға Астананың Сарайшық ауданындағы Қ. Аманжолов көшесінде болған. Алдын ала мәлімет бойынша, жеңіл көлікте газ-ауа қоспасы жарылып, артынша өрт шыққан. Салдарынан бес адам түрлі жарақат алып, ауруханаға жеткізілген еді.

Астана Кісі өлімі көлік жарылысы Полиция

Астанада көлік жарылысынан зардап шеккен азамат көз жұмды

Соңғы жаңалықтар