Астанада жасөспірім операция кезінде көз жұмды

Астана қаласында операция кезінде 13 жастағы жасөспірім қайтыс болды. Бұл мәліметті денсаулық сақтау вице-министрі Ержан Нұрлыбаев растады, деп хабарлады politico.kz. Оның айтуынша, қазір осы оқиғаға байланысты қызметтік тергеу жүргізіліп жатыр. Өкінішке қарай, осындай жағдай болды. Осы мүмкіндікті пайдаланып, мен жасөспірімнің ата-анасына көңіл айтқым келеді. Бүгінде қызметтік тергеу, оның ішінде сот-медициналық сараптама жүргізіліп жатыр. Оның негізінде біз ресми хабарлама береміз. Бұл қатерлі гипертермиялық реакция өте сирек кездеседі. Бірақ, өкінішке қарай, жағдай солай болды, - деді ол. Жағдай Денсаулық сақтау министрлігінің бақылауында. Олар медициналық сараптама нәтижелерінен кейін қосымша ақпарат беруге уәде берді. Фото: ktk.kz