Атырауда баласын суицидке итермелеген әке сотталып кетті

Атырау қаласының №2 сотында кәмелетке толмаған ұлын өз-өзіне қол жұмсауға итермеледі деп айыпталған ер адамға қатысты қылмыстық іс қаралды.

Тергеу материалдарына сәйкес, 2023 жылдың қараша айында ер адам баласына жүйелі түрде қатыгездік көрсеткен, соның салдарынан жасөспірім ауыр психологиялық жағдайға түскен.

Айыптаудың растығы жәбірленушінің өзі, оның заңды өкілі, кәмелетке толмаған куәгердің жауаптары, сондай-ақ кешенді сот-психологиялық және психиатриялық сараптаманың қорытындылары мен заттай дәлелдемелер арқылы дәлелденді.

Бұған қарамастан, сотталушы өз кінәсін мойындамай, ақтауды сұраған. Алайда сот оны кінәлі деп танып, 6 жыл бас бостандығынан айыру жазасын тағайындады.

Үкім әлі заңды күшіне енген жоқ.