Айтыскер ақын Айтақын Бұлғақов ауыр дертке шалдыққанын айтты

Белгілі айтыскер ақын Айтақын Бұлғақов әлеуметтік желідегі парақшасында сыр бөлісіп, ауыр дертпен күресіп жүргенін жеткізді, деп хабарлайды Politico.kz.

Ақынның айтуынша, күтпеген жерден жабысқан сырқат отбасының қабырғасын қайыстырып, үрейге салған. Алайда ол перзенттерінің қолдауымен Үндістанда екі жарым ай бойы ем қабылдап қайтқан.

"Бұл хабарды естіген сәтте төбемізден жай түскендей күй кештік. Отбасымды үрей билеп, әр күніміз үміт пен күдіктің арасында өтті. Бірақ дәл сондай сын сағатта бала-шағам жанымнан табылып, бір сәтке де жалғыз қалдырмады. Солардың қолдауымен Үндістанда екі жарым ай ем қабылдадым. Алланың қалауымен, дәрігерлердің еңбегі мен жанашыр-жақындарымның ақ тілегінің арқасында дерттің беті қайтқандай", – деп жазды Айтақын Бұлғақов.

Ақын қиын сәтте демеу болған жақындары мен тілеулестік білдірген барша ағайынға алғысын айтып, ешкімнің басына мұндай сынақ бермеуін тіледі.

Айтақын Бұлғақов айтыс Денсаулық Дерт

Айтыскер ақын Айтақын Бұлғақов ауыр дертке шалдыққанын айтты

Белгілі айтыскер ақын Айтақын Бұлғақов әлеуметтік желідегі парақшасында сыр бөлісіп, ауыр дертпен күресіп жүргенін жеткізді, деп хабарлайды Politico.kz.

Соңғы жаңалықтар