«Баланы жалғыз қалдырған»: СҚО-да өрттен қаза тапқан қыздың анасы қамауға алынды

Солтүстік Қазақстан облысында өрт салдарынан көз жұмған бес жасар қыздың анасы ұсталды. Бұл туралы Сенат кулуарында Қазақстан ІІМ басшысының орынбасары Санжар Әділов мәлімдеді, деп хабарлайды Politico.kz.

Оның айтуынша, әйелге қатысты кәмелетке толмаған баланы қауіпті жағдайда қалдыру дерегі бойынша қылмыстық іс қозғалған.

«Солтүстік Қазақстан облысында анасы баланы үйде жалғыз қалдырған, соның салдарынан өрт шықты. Осы факт бойынша қылмыстық іс тіркелді. Әйел қамауға алынды, қылмыстық жауапкершілік қарастырылған», – деді Әділов.

Қайғылы оқиға 18 қаңтар күні кешке Солтүстік Қазақстан облысындағы Ольшанка ауылында болған. Жеке тұрғын үйде өрт шығып, бес жасар қыз бала қаза тапты. Өрт кезінде бала үйде жалғыз болғаны анықталған.

Қазіргі таңда оқиғаның барлық мән-жайын анықтау үшін тергеу амалдары жүргізіліп жатыр

бала СҚО Қамауға алу Өрт