“Балмұздақ алып беремін”: Атырауда екі бүлдіршіннің жоғалуы елді дүрліктірді

Атырау облысының Исатай ауданындағы Тұщықұдық ауылында жоғалып кеткен үш және төрт жастағы екі бала аман-есен табылды, деп хабарлайды Politico.kz.

Оқиға 17 шілде күні кешкі уақытта болған. Туыстарының айтуынша, балалардың жоғалғаны белгілі болғаннан кейін оларды іздеуге полиция қызметкерлері, құтқарушылар және ауыл тұрғындары жұмылдырылған. Іздестіру жұмыстарына мыңдаған адам қатысқан.

Алдын ала мәлімет бойынша, балаларды ауылдың 25 жастағы тұрғыны ертіп кеткен. Жақындарының сөзінше, ол бүлдіршіндерге балмұздақ алып беретінін айтып, өзімен бірге алып кеткен.

Шамамен үш сағаттан кейін екі бала да дін аман табылды. Күдікті ұсталып, аудандық полиция бөліміне жеткізілген.

Әлеуметтік желілерде күдіктінің психикалық дертке шалдыққаны туралы ақпарат тараған. Алайда бұл мәліметті құзырлы органдар әзірге ресми түрде растаған жоқ.

Оқиғаның барлық мән-жайын полиция анықтап жатыр.

Тоқаев Омбыда Путинмен маңызды кездесу өткізбек

Олимпиада чемпионы Данияр Елеусіновтің жұбайына сот үкімі шықты

іздестіру жұмыстары Атырау облысы бала ұрлау күдікті Полиция

“Балмұздақ алып беремін”: Атырауда екі бүлдіршіннің жоғалуы елді дүрліктірді

Атырау облысының Исатай ауданындағы Тұщықұдық ауылында жоғалып кеткен үш және төрт жастағы екі бала аман-есен табылды, деп хабарлайды Politico.kz.

Соңғы жаңалықтар