"Бүйткен мұғалімдігі құрысын": шулаған оқушысына бор лақтырғаны үшін педагог жұмыстан қуылмақ

10 желтоқсан 2025, 13:32 1348

Желіде оқушысы тыңдамай, оған бор лақтырған мұғалімнің видеосы тарады, деп хабарлайды POLITICO.KZ.

Caravan.kz медиа порталының мәліметінше, онда әріптесі осы әрекеті үшін түсініктеме жазып жатқанын айтқан.

Бұл туралы ол өзінің желідегі парақшасында айтты.

«Бүйткен мұғалімдігі құрысын. Өзім мұғаліммін, әріптесім сабақ кезінде бір бала шулап қоймаған соң, қолындағы борын лақтырған. Құлағына тиген. Сөйтіп ол жылап, мамасына хабарласқан. Мамасына да сөз ұқпайтын біреу екен. Полиция шақырып, ана жерді ажиотаж қылып жіберді. Қазір әріптесіме түсініктеме жазғызып жатыр. Байғұс жұмыстан шығарайын деп жатыр, байғұс дірілдеп тұр», — деді мұғалім.