«Чемоданға салып, шөлге тастап кеткен»: Дубайда қазақстандық қызды өлтірген ер адамға сот үкімі шықты

Дубайда қазақстандық қызды өлтірген күдікті 15 жылға сотталды

Алматы соты Дубайда қазақстандық Яна Бейсембаеваны аса қатыгездікпен өлтірген Ануар Усенбаевқа қатысты үкім шығарды, деп хабарлайды Politico.kz сайты Orda.kz-ке сілтемемен.

#НеМолчи қорының мәліметінше, сот Ануар Усенбаевты Қылмыстық кодекстің 120-бабының 1-бөлігі («Зорлау») және 99-бабының 2-бөлігінің 5-тармағы («Аса қатыгездікпен адам өлтіру») бойынша кінәлі деп таныды.

Сот үкімімен оған 15 жыл бас бостандығынан айыру жазасы тағайындалды.

Еске салсақ, Яна Бейсембаева өзіне қысым көрсеткен Ануар Усенбаевтан құтылу үшін Дубайға кеткен. Алайда ер адам оның геолокациясы арқылы қайда екенін анықтап, Біріккен Араб Әмірліктеріне барып, қызды аса қатыгездікпен өлтірген. Кейін оның мәйітін үлкен чемоданға салып, шөл далаға апарып тастаған.

Бұған дейін хабарланғандай, бұл қылмыс үшін Біріккен Араб Әмірліктерінің заңнамасы бойынша Ануар Усенбаевқа өлім жазасы тағайындалуы мүмкін болған.

Маңғыстауда ер адамдарға әйелдерге арналған операция «жасалды» деген күдік туды

Ресей өз мұнайынан өндірілген бензинді Үндістаннан қайта сатып алып жатыр

Адам өлтіру Дубай Сот үкімі қанды қылмыс

«Чемоданға салып, шөлге тастап кеткен»: Дубайда қазақстандық қызды өлтірген ер адамға сот үкімі шықты

Соңғы жаңалықтар