Депутат Асхат Аймағамбетов Тұрсынбек пен Мөлдірге қатысты пікір айтты

ҚР Парламент Мәжілісінің депутаты Асхат Аймағамбетов қоғамдағы жиі талқыланып жүрген әртістердің жеке өмірінен басқа да мәселелер барын айтып, пайдалы тақырыптар айтылатын подкасттарды көруге шақырды, деп хабарлайды POLITICO.KZ Alash.kz-ке сілтеме жасап.

Журналистің Тұрсынбек Қабатов пен Мөлдір Мұқанның арасындағы отбасылық дауға қатысты пікір білдіруін сұрағанына Мәжіліс депутаты ол тақырыптың өзіне мүлде қызық емес екенін, өзгенің өміріне ақыл айтпайтынын ашық айтты.

Сондай-ақ, Асхат Қанатұлы қазақ қоғамында жасанды интеллект сияқты пайдалы да, өзекті тақырыптардың бар екенін, контентті дұрыс таңдайтынын мәлімдеді.