"Қолына сарқыт ұстатып жіберіпті": Дженнифер Лопестің музыканты қазақ отбасының үйінде бешбармақ жеді

Алматыға келген Дженнифер Лопестің бас-гитарисі қарапайым қазақ отбасының үйінде бешбармақтан дәм татты, деп хабарлайды POLITICO.KZ саяси-әлеуметтік порталы.

Әлеуметтік желіде әйгілі әншінің командасындағы музыканттың алматылық отбасының үйінде қонақта болған видеосы тарап жатыр. Белгілі болғандай, үй иесінің жиені аулада кездейсоқ танысқан шетелдік қонақты үйіне шақырған.

Видеода музыканттың баламен бірге ас үйдегі үстелде отырып, алғаш рет ұлттық тағамнан дәм татып жатқанын көруге болады. Бота есімді қыздың айтуынша, олар мейманның келетінін небәрі он бес минут бұрын естіген. Бешбармақ дайын тұр екен, себебі отбасы жаңа ғана түскі астарын ішіп болған. Желі қолданушыларының кейбірі шетелдік мейманның қарапайым үстелге отырғызылғанына таңданыс білдіргенімен, пікірлердің басым көпшілігі әртісқа берілген сарқыт жайлы әзілге толы болды.