Ерболат Бекшенов ҰҚК тергеуіне ілікті

Ұлттық қауіпсіздік комитеті Солтүстік Қазақстан облысы табиғи ресурстар басқармасының бұрынғы басшысы Ерболат Бекшеновке қатысты сотқа дейінгі тергеу жүргізіп жатыр, деп хабарлайды Politico.kz порталы Qazinform-ға сілтеме жасап.

Бұл ақпаратты ведомство ресми түрде растады.

«Қылмыстық процестік кодекстің 201-ші бабының 1-ші тармағына сәйкес өзге ақпарат жария етуге жатпайды», – делінген Ұлттық қауіпсіздік комитетінің берген жауабында.

52 жастағы Ерболат Бекшенов табиғи ресурстар басқармасының басшысы қызметіне 2025 жылдың шілде айында тағайындалған, ал оған дейін облыстық ауыл шаруашылығы басқармасын басқарып Мамлют және Айыртау аудандарының әкімі болған.

Бейресми дереккөздің мәліметінше, алдын ала болжам бойынша бұл тексеріс экс-басшының өз қарамағындағы қызметкерлерден заңсыз ақша жинауына тікелей қатысты болуы мүмкін.

Ерболат Бекшенов СҚО Тергеу ҰҚК

Ерболат Бекшенов ҰҚК тергеуіне ілікті

Соңғы жаңалықтар