Петропавл полициясы асқабақ ұрлағандарды іздестіріп жатыр
Петропавлда құқық қорғау органдары сұлулық салондарының бірінің алдында орнатылған мерекелік сәндік асқабақтарды ұрлап кеткен белгісіз тұлғаларды іздеуге кірісті. Полиция қызметкерлері бұл оқиғаның бейнежазбасын әлеуметтік желілерге жүргізілген мониторинг барысында анықтаған, деп хабарлайды Politico.kz.
Солтүстік Қазақстан облыстық Полиция департаментінің баспасөз қызметі оқиғаның мән-жайын растады.
Полицияның ресми мәлімдемесі:
Қазіргі уақытта жедел уәкілдер оқиғаның барлық мән-жайын және осы фактіге қатысы бар тұлғаларды анықтау бойынша іс-шаралар жүргізуде.
Сұлулық салонының иесі жоғалған декордың құнын бес мың теңгеге бағалап отыр.
Салон иесі ешкімге талабы жоғын хабарлап, полицияға арыз түсіруден бас тартқан. Соған қарамастан, тәртіп сақшылары заңбузушыларды тауып, ұсақ жымқыру фактісі бойынша жауапкершілікке тарту міндетін қойып отыр.
Айта кету керек, бұл Петропавлда орын алған асқабақ ұрлығының алғашқы жағдайы емес. Осыдан бірнеше апта бұрын қала орталығындағы дәмханалардың бірінің кіреберісінде декор ретінде қойылған бірнеше асқабақты егде жастағы әйелдің алып кеткені тіркелген болатын.
Соңғы жаңалықтар
