Ерке Есмахан үлкен сахнаға неге шыға алмай қалғанын айтты

Әнші Ерке Есмахан әлеуметтік желідегі парақшасында өз жағдайымен бөлісіп, соңғы уақытта не себепті көпшілік алдына шықпай жүргенін түсіндірді.

Өнер иесі уәде етілген жеке концертіне қатыса алмай, қатты қынжылғанын жасырмады.

«Мен сіздерді қатты сағындым. Бір апта бойы жанұямызбен кезектесіп ауырып шықтық. Ауырған соң біраз жоспарлар ауысып, көңіл түскен сәттер де болды. Қалай болғанда да бәрі хайырымен. Ауырмай, аман жүріңіздер. Ең көңілім түскен кез – жеке концертке бара алмай қалдым. Үлкен сахнада ән салуым керек еді. Өзім болмасам да әнімді қосыпты, көзіме жас келді», — деп жазды Ерке.

Әншінің жазбасы оқырмандардың жүрегіне жетіп, көпшілік оған жылы лебіздерін арнап, тез сауығып, сахнаға қайта оралуына тілек білдірді. Көптеген жанкүйерлер Еркенің денсаулығын бірінші орынға қойғанына түсіністікпен қарап, оның өнерін сағынғандарын жазды.