“Еркек айына 100 млн табуы керек”: Қазақ қыздарының “тәбеті” желідегілерді шошытты

Ер адамның ай сайын табатын жалақысын жоғары бағалаған қыздар елдің сынына қалды, деп хабарлайды POLITICO.KZ. 

Видео авторы қыздардан «Ер адамның ай сайынғы табысы қанша болуы керек?» деп сұрайды. Оған нәзік жандылар 1 млн теңгеден 100 млн теңгенің аралығындағы қаржыны айтады. Бұл желі қолданушыларының ашуына тиді. Олардың басым бөлігі пікірлер бөліміне «Бұл қыздар Қазақстанда тұра ма?» деп жазды. 

«Жоқ дегенде 100 млн теңге деп айтқан әйелдің байы қанша табады екен», «Мыналар қай ғаламшардың адамдары?», «Осылай айтып отырған қыздар демек өздері айына жоқ дегенде 2-3 млн табады, дұрыс қой тең-теңімен, тезек қабымен», - деп жазды желі қолданушылары.