Геннадий Головкин Хабиб Нурмагомедовпен кездесті

Қазақстандық кәсіпқой бокстың бұрынғы әлем чемпионы Геннадий Головкин Біріккен Араб Әмірліктерінің Дубай қаласында жеңіл салмақтағы UFC-дің бұрынғы чемпионы, ресейлік Хабиб Нурмагомедовпен кездесті, деп хабарлайды POLITICO.KZ.
Кездесуде түсірілген суретті Геннадийдің ағасы Максим Головкин Instagram парақшасында жариялады.
Жарияланған сурет бірнеше сағат ішінде үш мыңға жуық лайк пен ондаған жылы пікір жинады.
Айта кетейік, қазіргі уақытта Геннадий Головкин Қазақстанның Ұлттық Олимпиада комитетінің президенті қызметін атқарады, сондай-ақ әлемдік әуесқой боксты қадағалайтын халықаралық ұйым World Boxing-тің Олимпиадалық комиссиясын басқарады.