"Гүл бергендермен ғана суретке түсті": Роза Әлқожадан көңілі қалған көрермен ренішін жеткізді

Белгілі әнші Роза Әлқожаның Шымкентте өткен концертіне барған көрермендердің бірі шарадан көңілі қалғанын жеткізді, деп хабарлайды POLITICO.KZ kznews.kz сайтына сілтеме жасап.

Көрерменнің айтуынша, әнші тек гүл алып келгендермен ғана суретке түскен.

"Шымкенттегі концерт ұнамады. Роза ханым гүл сыйлағандармен ғана суретке түсіп, оларды сипаттап жатты. Сонымен қатар, кішкентай қыздардың аузына түкірді", – деп пікірін білдірді ол.

Бұл оқиға әлеуметтік желіде қызу талқыланып, қолданушылар түрлі пікір жазуда.

Бірі: "Тым менмен", "Ауызға түкіру дұрыс емес, инфекция жұқтыруы мүмкін", "Концерт бір сағатқа кешігіп басталды, небәрі үш ән айтты" десе, енді бірі: "Халық та кінәлі шығар", "Маған ұнайтын әнші, даусы керемет" деп оң бағасын берген.

Роза Әлқожа