Иран бойынша келіссөздер Түркістан қаласында өте ме?

27 наурыз 2026, 10:22 949

Иран бойынша келіссөздер Түркістан қаласында өте ме? — Фото: Түркістан қаласының әкімдігі

Қазақстан мен Иранның сыртқы істер министрлері телефон арқылы сөйлесті, деп хабарлайды Politico.kz.

Ермек Көшербаев пен Аббас Аракчи Таяу Шығыстағы қазіргі жағдайды талқылап, екіжақты ынтымақтастықтың өзекті мәселелері бойынша пікір алмасты.

Қазақстан сыртқы істер министрлігі мәліметінше, әңгіме барысында Ермек Көшербаев ирандық әріптесіне Иран төңірегіндегі жағдайға алаңдаушылық білдірген.

«Көшербаев Қазақстан тарапының Түркістан қаласында бейбіт келіссөздер өткізу үшін алаң ұсынуға дайын екенін растады. Бұл туралы бұған дейін Қазақстан Президенті Қасым-Жомарт Тоқаев мәлімдеген болатын», – делінген хабарламада.

Сонымен қатар тараптар екіжақты қатынастардың өзекті мәселелері бойынша диалогты жалғастыруға келісті.

Айта кетейік, келіссөздер оң нәтиже берген жағдайда, олар Қазақстанның оңтүстігіндегі Түркістан қаласында өтуі мүмкін.

Иран СІМ Соғыс Түркістан

Бізді Google-дың негізгі дереккөздер тізіміне қосыңыз

Қосу

Иран бойынша келіссөздер Түркістан қаласында өте ме?

Қазақстан мен Иранның сыртқы істер министрлері телефон арқылы сөйлесті, деп хабарлайды Politico.kz.

Соңғы жаңалықтар