Иран көршілес елдердегі мұнай нысандарына әуе шабуылы болуы мүмкін деп ескертті

Иран жақын сағаттарда Сауд Арабиясы, БАӘ және Қатардағы бірнеше мұнай нысандарына әуе шабуылы жасауы мүмкін екенін ескертті, деп хабарлайды Politico.kz сайты The Independent сайтына сілтемемен.

Тегерандың мемлекеттік телеарнасы хабарлағандай, қауіптің басты себебі – Ирандағы Оңтүстік Парс және Асалуя мұнай-газ нысандарына жасалған әуе шабуылы болып отыр. Иран ақпарат агенттігі IRNA бұл оқиғаларды растап, газ қоры мен кейбір өңдеу зауыттарының зақымданғанын хабарлады. Қауіпсіздік шаралары ретінде жұмысшылар эвакуацияланды, өрт сөндіру қызметтері әрекет жасауда.

Ескертуде Сауд Арабиясының Джубайл қаласындағы мұнай-химия кешені мен Самреф зауыты, БАӘ-дегі Аль-Хосн газ алаңы, Қатардағы Месаид мұнай-химия кешені мен Рас-Лаффан мұнай өңдеу зауыты көрсетілген. КСИР өкілдері бұл нысандардың “тұрақты және заңды мақсат” екенін, сондықтан барлық азаматтар мен қызметкерлер дереу қауіпсіз жерге кетуі керектігін айтты.

Иранның ең ірі табиғи газ қоры – Парс мен Қатар бөлісетін аймақтағы бұл авиаударлар АҚШ пен Израильдің қатысуымен жасалған деп хабарланды. Қатар сыртқы істер министрлігінің өкілі Маджед аль Ансари бұл әрекетті “қауіпсіздікке және әлемдік энергетикаға қатер” деп бағалап, барлық тараптарды сабырлыққа шақырды.

The Independent жазғандай, бұрын АҚШ пен Израиль Иранның энергетикалық нысандарына тікелей шабуыл жасаудан аулақ болған, себебі бұл аймақтағы тұрақтылыққа және әлемдік нарыққа теріс әсер етуі мүмкін еді.