Израиль Иранға соққы жасады

Израиль Иранға соққы жасады

Израиль 13 маусымға қараған түні Иранның Натанздағы уран байыту орталығы мен басқа да әскери және ядролық нысандарына әуе соққысын жасады. Бұл туралы Премьер-министр Биньямин Нетаньяху мәлімдеді.

Израиль соққысы баллистикалық зымыран жасау орталықтарына және Иранның ядролық бағдарламасы мамандарына бағытталды.

Иран шабуыл фактісін растады. Жергілікті БАҚ мәліметінше, азаматтық нысандар зардап шегіп, қаза тапқандар бар. Иран билігі Израильге "ауыр және қайғылы салдар" уәде етті.

Әлемдік нарықтың реакциясы:

• Brent мұнайының бағасы 6%-дан астам өсіп, 77$ деңгейіне жетті.
• WTI маркалы мұнайдың бағасы да осы деңгейде көтерілді.
• АҚШ және Азия қор нарықтары төмендеді, ал алтын мен швейцар франкіне сұраныс артты.

Израиль бұл операцияны "алдын ала соққы" деп сипаттап, оның қажетті уақытқа дейін жалғасатынын мәлімдеді. Израиль қорғаныс армиясы (ЦАХАЛ) бірінші кезең аяқталғанын растады.

Қазақстандықтарға ескерту
Қазақстанның Тель-Авивтегі елшілігі азаматтарды қауіпсіздік шараларын сақтауға шақырды:

• Қолбасшылық тылдың нұсқаулықтарын орындау
• Бақылауды күшейту және БАҚ мәліметтерін тексеру
• Елшілікпен байланыста болу

Жедел желі нөмірлері:
+972 (3) 503 78 85 – Кезекші
+972 53 635 19 83 – WhatsApp
+972 55 273 38 13 – WhatsApp
+7 700 111 31 96 – WhatsApp (Қазақстан)