Көшеден тамақтанған отбасы уланып, анасы мен екі баласы көз жұмды

Стамбұлдың танымал туристік аудандарының бірінде отбасы көше тамағынан уланып, анасы мен екі баласы қайтыс болды, деп хабарлайды POLITICO.KZ.

Алынған мәліметтерге сәйкес, әкенің жағдайы өте ауыр. Ол жергілікті аурухананың жансақтау бөліміне жатқызылған.

Отбасы Германияда тұрады және демалысқа Стамбулға келген. Алдын ала болжам бойынша, олар Ортакёй ауданындағы жағалауда орналасқан кафелердің бірінде тамақ ішкен соң уланған.

Көп ұзамай төрт адам да қатты уланған белгілерін сезінген. Дәрігерлердің барлық әрекетіне қарамастан, анасы мен екі баласының өмірін сақтап қалу мүмкін болмаған.

Стамбул прокуратурасы оқиға бойынша тергеуді бастап кетті. Отбасы тамақтанған қоғамдық тамақтану орындарынан қажетті сынамалар алынды. Сол жерде кезекшілік етіп, жұмысқа жауапты болған төрт қызметкер ұсталды. Сарапшылар нақты өлім себебін анықтау үшін талдау жұмыстарын жалғастыруда.

ана мен бала отбасы тамақтану Ыстамбұл