«Күш көрсетіп, қатыгездік танытады»: қарттар үйінің басшысы мәлімдеме жасады

Мен мұндай нәрсеге үйренбегенмін. Олар күш көрсетіп, қатыгездік танытқаны сондай, істегендері адамшылыққа жатпайды. Менің су ішкім келеді, бірақ оған да жете алмадым. Тексерілейін деп дәрігер шақырамын. Бірақ ешкімнің қарағысы жоқ, тіпті көмектеспейді. Мұның бәрін істеп отырған – Мира есімді санитар әйел. Мені қалай кіргізгенін көрдіңіздер. Ол мені өзінің сөзі жүретін жерге кіргізіп алады. Бәрі соны тыңдайды, соған бағынады. Ал ол айғайлағаннан басқа ештеңе білмейді. Тура азаптайтын жер дерсің, – дейді шаршаған қария.

2024 жылғы 26 тамызда орталықта мәдени ұйымдастырушы болып қызмет ететін А. қария Б.-ның дәрменсіз күйде екенін пайдаланып, оның рұқсатынсыз видео түсіріп, таратып жіберген. Видеодағы науқас денсаулық жағдайына байланысты аурухана жағдайында арнаулы әлеуметтік қызметке мұқтаж адам ретінде орталыққа 2023 жылдың тамыз айында түскен. Әйел әлі күнге дейін «Шаңырақ» орталығында тұрады және осы уақытқа дейін бірде-бір шағымы болмаған, – деп мәлімдеді ол.

Өкінішке қарай, видео авторы арагідік қарияларды, оның ішінде тұлғалық ауытқулары бар науқастарды жеке мақсатта пайдаланып, оларды орталық қызметкерлеріне қарсы қойып жүреді. Жұмыспен қамту және әлеуметтік бағдарламалар бөлімінің басшылығы тексеріс жүргізіп, науқаспен сөйлесті. Қария ешқандай шағымы жоғын және орталықтың қызметіне көңілі толатынын айтты, – делінген хабарламада.