Лондондағы элитті қонақүйден Сауд Арабиясы ханзадасының мәйіті табылды

24 шілде 2026, 09:49 928

Лондондағы элитті қонақүйден Сауд Арабиясы ханзадасының мәйіті табылды — © AP Photo / Nariman El-Mofty

Сауд Арабиясы королінің алыс туысы, 29 жастағы ханзада Абдулла бин Фахад бин Абдулла бин Абдулазиз бин Джалави Әл Сауд Ұлыбританиядағы Кенсингтон ауданындағы Marriott қонақүйінен өлі табылды, деп хабарлайды Politico.kz.

Ханзаданың мәйіті 2025 жылдың 25 қарашасында қонақүйдің жуынатын бөлмесінен табылған. Алайда бұл қайғылы оқиға туралы ақпаратты БАҚ өкілдері кейіннен жария етті.

Басылымның мәліметінше, сараптама нәтижесі марқұмның қанындағы алкоголь мөлшері рұқсат етілген шектен үш есе жоғары болғанын көрсеткен. Сонымен қатар оның ағзасынан каннабис, Xanax және гамма-гидроксибутират (GHB) препараттарының іздері табылған. Сот-медициналық сарапшылар жүректің тоқтауына алкоголь мен есірткі заттарының бірге әсер етуі себеп болған деген қорытындыға келді.

Белгілі болғандай, қайтыс болардан үш ай бұрын ханзада Лондондағы жекеменшік клиникалардың бірінде есірткі мен алкогольге тәуелділіктен арылу үшін арнайы ем қабылдап жүрген.

Кісі өлімі Лондон Сауд Арабиясы ханзада

Бізді Google-дың негізгі дереккөздер тізіміне қосыңыз

Қосу

Лондондағы элитті қонақүйден Сауд Арабиясы ханзадасының мәйіті табылды

Соңғы жаңалықтар