Маңғыстауда нөсер жауын салдарынан жүзге жуық жылқы қырылып қалды

19 сәуір 2026, 09:04 1274

Маңғыстауда нөсер жауын салдарынан жүзге жуық жылқы қырылып қалды — Фото: Lada.kz

Маңғыстауда жауыннан кейін ондаған жылқы батпақта қаза тапты

Маңғыстау ауданында толассыз жауған жаңбыр салдарынан жылқылардың қырылу дерегі тіркелді, деп хабарлайды Politico.kz сайты Lada.kz сілтемемен.

Жергілікті тұрғындардың айтуынша, нөсерден кейін мал суға ағып, сортаң жерлерге түсіп кеткен. Соның салдарынан көптеген жылқы батпаққа батып, шыға алмай қырылған. Тағы бір бөлігі әлі де тұзды лайдан шыға алмай жатыр.

Ауыл тұрғындары әлеуметтік желіде дабыл қағып, әр аулада бірнеше бастан он басқа дейін мал шығыны болғанын жеткізді. Олардың сөзінше, жағдай ушығып кетуі мүмкін.

«Қатты жауыннан кейін Ақшымырау ауылы маңында мал суға кетіп, сортаңға түсіп қалды. Көптеген жылқы тұзды лайға батып өлді, ал кейбірі әлі шыға алмай жатыр. Егер Төтенше жағдайлар министрлігі мен жергілікті билік көмектеспесе, жағдай қиындай түседі», – дейді тұрғындар.

Ауыл халқы құзырлы органдар мен жануарларды қорғау ұйымдарын мәселеге назар аударуға шақырды.

Қарағандыда көз жұмған бала: Денсаулық сақтау министрлігі ресми мәлімдеме жасады

«Valentino туфлиі бар, аппарат жоқ»: Қарағандыда бүлдіршін ауруханада көз жұмып, қоғамда дау туды

ауыл тұрғындары Ақшымырау Мал шаруашылығы Маңғыстау облысы нөсер жауын

Бізді Google-дың негізгі дереккөздер тізіміне қосыңыз

Қосу