Мас күйінде бұзақылық жасаған Ақтау прокуроры айыппұлмен құтылды

Маңғыстау облыстық соты Ақтау қаласының прокуроры Ерболат Әбдіровке қатысты істі қайта қарады. Апелляциялық алқа оны ұсақ бұзақылық жасағаны үшін кінәлі деп танып, 78 640  теңге көлемінде айыппұл салды, деп хабарлайды POLITICO.KZ. 

Бүгін, 15 қыркүйек күні Маңғыстау облыстық сотының баспасөз қызметі алдыңғы сатыдағы шешімнің күшін жойып, прокурорды ҚР ӘҚБтК – нің 434-бабы, 1-бөлігі - "ұсақ бұзақылық" бойынша айыптады.

Әбдіровтің кінәсі жиналған іс материалдарымен, әкімшілік құқық бұзушылық туралы хаттамамен, куәгерлердің айғақтарымен, әуежай мен полиция қызметкерлерінің актілерімен расталады.

Оның прокурорлық мәртебесінде қалу, қалмауы әлі белгісіз.