Мектеп директоры оқушы қыздарға азғындық жасап сотталды

54 жастағы Талғат Қатауов Түркістан облысында өткен сот үкімімен кінәлі деп танылып, 2,5 жылға бас бостандығынан айырылды, деп хабарлайды POLITICO.KZ. 

Ол Қылмыстық кодекстің 122-бабы 1-бөлігі «Кәмелетке толмағанмен жыныстық қатынас немесе жыныстық сипаттағы өзге де әрекеттер» бойынша кінәлі деп танылып, 2,5 жылға бас бостандығынан айырылды

Ол бірнеше рет 6-дан 14 жасқа дейінгі бірнеше қыз балаға қатысты азғын әрекеттер жасағаны үшін жауапқа тартылды. 

Талғат Қатауов 2000 жылдардың ортасында Бөкейорда ауданында мектеп директоры қызметін атқарған. Ол мектеп оқушысына жыныстық зорлық-зомбылық жасағаны үшін ұсталып, қызметінен қуылды.

2024 жылдың тамызында оның жиені оны зорлады деп айыптады. 15 жастағы жеткіншек анасына әкесінің ағасы Талғат Қатауовтың оны 9 жасынан бастап ата-анасы жоқ кезде бірнеше рет зорлағанын айтқан.

Полицейлер қыздың анасының арызы бойынша Қылмыстық кодекстің 120-бабы 4-бөлігі  «бірнеше рет жасалған зорлау» бойынша қылмыстық іс қозғады.

Қыз бірқатар психологиялық күйзеліске ұшырады. Жәбірленуші тарап ретінде тергеушілердің немқұрайлы әрекетіне анасы бірнеше рет шағым түсірген. Қаржылық қиындықтарға байланысты отбасы адвокаттың ақысын төлей алмады. Қорғауды мемлекет берген адвокат жүргізді. Желтоқсан айында осы іс бойынша полиция департаменті қылмыс белгілерінің болмауына байланысты Қатауовқа қатысты тергеуді тоқтатты.