Мемлекеттік әлеуметтік төлемдер: 2026 жылы кімдер ала алады және қалай өтініш береді
2025 жылы Қазақстанда атаулы әлеуметтік көмек (АӘК) 54,4 мың отбасыдан шыққан 292,7 мыңнан астам азаматқа тағайындалды, деп хабарлайды Politico.kz.
Жалпы төлем көлемі 33,4 млрд теңгені құрады. 2026 жылы да бұл көмек табысы төмен отбасыларға көрсетіледі.
АӘК-тің негізгі мақсаты — отбасын қиын өмірлік жағдайдан шығару, яғни қаржылай қолдау көрсету және еңбекке қабілетті мүшелерін жұмысқа тарту.
Атаулы әлеуметтік көмек мыналарды қамтиды:
• табысы кедейлік шегінен төмен азаматтарға тоқсан сайын тағайындалатын ақшалай көмек;
• аз қамтылған отбасылардағы 1 жастан 6 жасқа дейінгі балаларға ай сайын 1,5 АЕК мөлшерінде қосымша төлем (2025 жылы бұл төлем 91,1 мың балаға берілген);
• еңбекке ынталандыру шаралары — жұмысқа орналастыру, өз ісін ашуға гранттар, кәсіби оқыту мен біліктілікті арттыру.
Қалай өтініш беруге болады
АӘК алу үшін өтінішті мансап орталықтары, ауылдық округ әкімдері арқылы немесе egov.kz электронды үкімет порталы арқылы беруге болады.
Соңғы жаңалықтар
