"Миым, жүрегім тоқтап қалғандай": Айнұр Тұрсынбаева жұртты шошытты

Танымал айтыскер, коуч Айнұр Тұрсынбаева соңғы күндері басынан өткен ауыр жағдайды әлеуметтік желідегі парақшасында бөлісті.

Өнер иесінің айтуынша, анасы сырқаттанып, бірнеше күн бойы отбасы үлкен алаңдаушылық күйін кешкен.

«Соңғы үш күн өте ауыр өтті. Миым да, жүрегім де тоқтап қалғандай болды. Бірақ, шүкір, бәрі артта қалған сияқты. Аллаға сансыз мадақ! Дәрігерлерге алғысымыз шексіз! Анамыз бір өлімнен аман қалды. Алла барша жақындарымызды аман қылсын!» – деп жазды Тұрсынбаева.

Желі қолданушылары айтыскердің жазбасына жанашырлық танытып, анасына саулық, өзіне сабыр тіледі. Көпшілік «Анаңызға тез сауығып кетуін тілейміз», «Аман болсын, аналар бәрімізге керек», «Сізге күш-қуат тілейміз» деген жылы пікірлер қалдырды.