Мобильді аударымдарға қатысты бақылау шегі ұлғайтылады

Қазақстанда мобильді аударымдарға қатысты бақылау критерийлерін күшейту ұсынылып отыр, деп хабарлайды POLITICO.KZ.

Қаржы министрлігі Ұлттық банк және екінші деңгейлі банктермен бірлесіп, қолданыстағы талаптарды толықтыру жөнінде шешім қабылдады.

Ұсынылған өзгерістер:

• Үш ай қатарынан кіріс аударымдарының жалпы сомасы 12 ЕТЖ-дан (1 020 000 теңге) асса, тексеру жүргізілуі мүмкін.
• Егер жеке тұлғаға 100 немесе одан көп адамнан ай сайын тұрақты түрде ақша түссе және бұл кәсіпкерлік қызметке қатысты болмаса, бақылауға алынуы мүмкін.

Бұл талаптар жеке кәсіпкер ретінде тіркелу қажеттілігін көздейді. Қазіргі заңнамаға сәйкес, жеке кәсіпкердің жылдық кірісі 12 ең төменгі жалақыдан (ЕТЖ) асуы тиіс.

Қаржы министрлігінің бұл ұсынысы Ұлттық банк қарауында тұр.