Мүгедек балаларға жиналған ақшаны ұрлаған ер адам ұсталды
Ақмола облысының Макинск қаласында мүмкіндігі шектеулі балаларға көмек көрсетуге арналған қайырымдылық жәшігін ұрлаған ер адам анықталды, деп хабарлайды Politico.kz.
Оқиға 8 тамыз күні кешкі уақытта болған. Сағат шамамен 20:00-де қаладағы сауда үйлерінің бірінен қайырымдылыққа арналған шыны жәшік жоғалып кеткені туралы полицияға арыз түскен.
Жедел-іздестіру шаралары барысында тәртіп сақшылары ұрлыққа қатысы бар ер адамды анықтады. Алдын ала мәлімет бойынша, күдікті кешкі уақытта Макинск қаласына келіп, сауда үйіне кірген. Айналадағылардың назарын пайдаланған ол қайырымдылық жәшігін алып, ғимараттан артқы есік арқылы шығып кеткен.
Кейін ер адам адам аз жүретін жерде жәшікті ашып, ішіндегі ақшаны алған. Жәшікте барлығы 22 720 теңге болған. Оның бір бөлігін күдікті алкогольдік ішімдік сатып алуға жұмсаған.
Полиция мәліметінше, ер адам өз кінәсін мойындаған.
Қазіргі уақытта аталған факті бойынша тексеру жүргізіліп жатыр. Оның қорытындысы бойынша заңға сәйкес тиісті шешім қабылданады.
Соңғы жаңалықтар
