Непалдағы жойқын су тасқыны: Құрбандар саны 1 200 адамға жетті

3 қыркүйек 2026, 14:24 1285

Непалдағы жойқын су тасқыны: Құрбандар саны 1 200 адамға жетті — Фото: Sulav Shrestha/Xinhua/picture alliance

Непалда болған апатты су тасқыны салдарынан қаза тапқандар саны 1 200 адамға жетті, деп хабарлайды Politico.kz.

Ресми мәліметтер бойынша, қазіргі уақытта 4 200-ден астам адам хабар-ошарсыз кеткендер тізімінде тұр. Олардың шамамен 600-ге жуығы — шетел азаматтары. Апат аймағында іздестіру-құтқару шаралары тәулік бойы жалғасып жатыр.

Табиғи апат зардаптарын жою үшін жергілікті билік қауіпсіздік күштерінің 20 мыңнан астам қызметкерін жұмылдырған. Құтқару операциясына тікұшақтар мен арнайы жерүсті техникалары тартылды.

Сондай-ақ көршілес Тибет аумағында да жағдай күрделі: 21 адамның мерт болғаны расталды, 500-ден астам тұрғын із-түзсіз жоғалған.

Еске сала кетейік, жойқын табиғи апат 26 тамыз күні Гималай тауларында Непал мен Тибет шекарасындағы мұздықтардың опырылып құлауынан туындаған еді.

Непал су тасқыны туристер Шетел жаңалықтары

Бізді Google-дың негізгі дереккөздер тізіміне қосыңыз

Қосу

Непалдағы жойқын су тасқыны: Құрбандар саны 1 200 адамға жетті

Непалда болған апатты су тасқыны салдарынан қаза тапқандар саны 1 200 адамға жетті, деп хабарлайды Politico.kz.

Соңғы жаңалықтар