«Он сегіз баланың он жетіншісі»: әнші Кенжебек Жанәбілов көпбалалы отбасынан шыққанын айтты

Отандық телеарналардың біріне берген сұхбатында әнші Кенжебек Жанәбілов өзінің көпбалалы отбасында он сегіз баланың ішінде он жетіншісі болғанын айтты, деп хабарлайды POLITICO.KZ.

«Анам он сегіз құрсақ көтерген. Бірақ қазір онымыз ғана бармыз. Бәріміз бір анадан, бір әкеденбіз. Анамыз ас пісіргенде бір қап ұн бір аптаға жетпей қалатын», – деп күлді Кенжебек.

Сондай-ақ ол анасының өзін әдептілікке, еңбекқорлыққа және іскерлікке үйреткенін атап өтті.
Әншінің әңгімесіне пікір қалдырған желі қолданушылары көпбалалы отбасынан шыққан өнер иесіне сүйсініп, жылы лебіздерін білдірді.

«Қандай тамаша», «Анасы нағыз алтын құрсақты ана екен», «Ондай көп балаға расымен тамақ жетпей қалады ғой», – деп жазды олар.