"Өзімнен де бар". Бөтен қызбен вальс билеген Нұрболат Абдуллин қызу талқыға түсті

Қазақстандық танымал әнші Нұрболат Абдуллин желіде кезекті концертінен видео жүктеп, елдің қызу талқысына түсті. Өнер иесі концерті кезінде түсірілген видеоны Instagram-дағы парақшасына жүктеді. Онда әнші сахнада ән салып жатқанда, белгісіз ару шығып, билеуге ұсыныс жасайтынын көруге болады. Абдуллин бойжеткеннің көңілін қалдырмай, көпшілік алдында онымен вальс билеген. "Өзімнен де бар", - деген қысқа жазба қалдырды өнер иесі. Желі қолданушылары видеоға түрлі пікір жазып қалдыруда. Көбісі әншіге сахнада бұлай кедергі келтіруге болмайтынын алға тартады.