“Перизат Қайрат ісі”: Сотталушыларды тыңдау жабық форматта өтіп жатыр

Алаяқтық ісі бойынша сотта Перизат Қайрат пен анасы Ғайни Алашбаеваның адвокаттары тыңдалып жатыр. Процесс жабық өтуде, деп хабарлайды POLITICO.KZ. 

Бұған дейін 47 жәбірленуші түсініктеме берген. Пікір екіге бөлінді: бір тарап Перизаттың анасының жасы мен денсаулығын ескеру қажет десе, екінші тарап оны қатаң жазаға тартуды талап етуде.

«Осындай жағдайлардың кесірінен қайырымдылыққа деген сенім әлсіреді»,-дейді зардап шеккендер.

«Ыбырай Ақтөбе» қорының өкілі 500 мың теңге аударғанын айтып, моральдық шығынның өтелуін талап етті. Ал жәбірленуші Антон Ким де дәл осы соманы аударғанын атап өтті.