Песков: Путиннің Украина инфрақұрылымына соққы бермеу бұйрығы сақталуда

Украинаның шабуылдарына қарамастан, Ресей президенті Владимир Путиннің энергетикалық инфрақұрылымға соққы беруден бас тарту туралы бұйрығы күшінде қалып отыр, деп хабарлайды POLITICO.KZ. Бұл туралы Ресей президентінің баспасөз хатшысы Дмитрий Песковқа мәлімдеді.

— Бас қолбасшының бұйрығы күшінде және Ресей Қарулы Күштері қазіргі уақытта АҚШ пен Ресей арасындағы келісімге сәйкес Украинаның энергетикалық инфрақұрылымына шабуыл жасаудан бас тартты, – деді Песков.

Сонымен қатар, ол Киевтің уәделерінің сенімділігіне күмән келтіріп, Украина тарапынан келісімді бұзу әрекеттері болғанын мәлімдеді.

— Киев режимінің әрекеттері баршаға белгілі, бұл туралы БАҚ-та және әлеуметтік желілерде кеңінен көрсетілуде. Сондықтан Зеленскийдің немесе оның серіктерінің сөзіне қаншалықты сенуге болатынын бәрі өздері бағалай алады, – деді Песков.

Сондай-ақ Песков Путин мен АҚШ президенті Дональд Трамптың 18 наурыздағы телефон арқылы сөйлесуінде тек энергетикалық инфрақұрылымға жасалатын шабуылдарды тоқтату жөнінде ғана уағдаластық болғанын нақтылады.