Польшада жоғалып кеткен қазақстандық әйел өлі күйінде табылды

13 наурыз 2026, 09:37 894

Польшада жоғалып кеткен қазақстандық әйел өлі күйінде табылды — Фото: видеодан скриншот

Польшада жұмбақ жағдайда жоғалып кеткен қазақстандық Екатерина Шилова өлі күйінде табылды. Алдын ала мәлімет бойынша, әйел қасақана өлтірілген, деп хабарлайды Politico.kz.

Бұл туралы марқұмның әпкесі хабарлаған. Оның айтуынша, кісі өлтіруге күдікті ұсталған, алайда тергеу мүддесіне байланысты басқа мәліметтер жария етілмей отыр.

Қазір марқұмның отбасы мәйітті елге жеткізіп, жерлеу үшін қаражат жинап жатыр. Туыстарының сөзінше, барлық жерлеу рәсімдері қомақты қаржыны талап етеді.

Еске салайық, 43 жастағы қазақстандық Екатерина шетелде жұмыс істеген. Ол ақпан айының соңында туыстарымен байланысқа шықпай кеткен.

Жоғалған күні ол Варшавадан Астанаға ұшып келуі тиіс болған, бірақ ұшаққа отырмаған. Кейін ол әпкесіне ұшпайтынын айтып, Германиядан жақсы жұмыс тапқанын жазған. Бұл хабарлама туыстарының күдігін тудырған. Осыдан кейін Екатеринамен байланыс толық үзілген.

Іздеу полици польшв Әйел

Бізді Google-дың негізгі дереккөздер тізіміне қосыңыз

Қосу

Польшада жоғалып кеткен қазақстандық әйел өлі күйінде табылды

Соңғы жаңалықтар