"Қалыңмал бергенбіз": Меркіде көз жұмған 19 жастағы келіншектің енесі оның киімдерін бермей қойды

19 тамыз 2026, 12:38 1378

Жамбыл облысы Меркі ауданында күйеуінің қолынан көз жұмған 19 жастағы Мадинаның қайын жұрты марқұмның жеке заттарын туған анасына қайтарудан бас тартты, деп хабарлайды Politico.kz.

Оқиға орнына арнайы барған Жан Ахмадиев марқұмның анасымен бірге қыздың киім-кешегі мен жеке заттарын алып кетуге тырысқан. Алайда марқұмның енесі дүние-мүлікті қайтарудан үзілді-кесілді бас тартқан.

"Қалыңмал бергенбіз", – деді марқұмның енесі жағдайды түсіндіруден бас тартып.

Қайын жұрттың бұл әрекеті желі қолданушыларының арасында қызу пікірталас туғызып, көпшіліктің наразылығын тудырды. Оқырмандар қайғы жамылған отбасының құқығын қорғау үшін тиісті органдарға жүгіну керектігін жарыса жазуда.