Қапшағай су қоймасы 10 жылда алғаш рет 100 пайыз толды

Алматы облысындағы Қапшағай су қоймасы 10 жылда алғаш рет 100 пайыз толтырылып, 18 млрд текше метрден аса су жиналды, деп хабарлады politico.kz Су ресурстары және ирригация министрлігінің баспасөз қызметіне сілтеме жасап. Су қоймасы Қытай аумағынан бастау алатын трансшекаралық Іле өзенінің суын жинайды. Осы көктемде су қоймасына секундына 900 текше метрге дейін су келді. Мамандар мұны Тянь-Шань мұздықтарының еруімен және жауын-шашынның көп болуымен байланыстырады. Соңғы рет Қапшағай су қоймасы 2014 жылы 100 пайыз толтырылды. Суару кезеңінің басынан бастап Шеңгелді ауылдық округінің 6 мың гектар егіс алқабына және Ақдала ауылдық округінде 28 мың гектарға су беріледі. Бүгінде аграршылардың сұранысы бойынша секундына 750 текше метр су жіберіледі, - деді Балқаш-Алакөл бассейндік инспекциясы басшысының орынбасары Медет Керімжанов. Қазір Қапшағай су қоймасында 16,2 миллиард текше метр су бар.