Қайрат Нұртастың отбасы жағымсыз жағдайға тап болды
Қазақстандық танымал әнші Қайрат Нұртас жұбайы, актриса Жұлдыз Әбдікәрімовамен және бес баласымен бірге Мальдив аралдарына демалысқа аттанды. Шоу-бизнес жұлдыздарының бұл сапары желі қолданушыларының назарын бірден аударды, деп хабарлайды Politico.kz Azattyq Rýhy-на сілтеме жасап.
Қазақстан шоу-бизнесіндегі ең көп талқыланатын жұптардың бірі жаңа жылдық демалысты Үнді мұхитындағы экзотикалық Мальдив аралдарында өткізуді таңдаған. Бұл туралы 3 қаңтар күні отбасының ортаншы қызы Алау Нұртас Instagram парақшасында хабарлады.
Оның айтуынша, сапар оңай болмаған.
«Желіде біраз уақыт көрінбеуімнің себебі – Мальдивке ұшу. Қатты уайымдадық, үлгермей қалдық. Ал келген соң мүлде жағымсыз жағдай болды», – деп жазды Алау Stories бөлімінде.
Алауның сөзінше, Мальдивке жеткеннен кейін күтпеген оқиға болған. Алайда оның нақты мән-жайын блогер кейінірек толық айтып беретінін жеткізді. Бұл мәлімдеме желі қолданушыларының қызығушылығын одан әрі арттырды.
Соған қарамастан, Нұртас әулетінің демалыстан алғашқы фотолары мен видеолары Instagram-да пайда болды. Алау Мальдивтің көркем табиғатынан кадрлар жариялап, «керемет фото мен контент күтіңіздер» деп жазды.
Ал Қайрат Нұртас өзі де желіде бейнежазба бөлісіп, ұлы Нарұлмен бірге түскен жылы сәттерін көрсетті. Видеода әнші баласына мейірімін төгіп, отбасылық демалыстың көңілді өтіп жатқанын аңғартты.
Соңғы жаңалықтар
