Қазақстанда 5 млн тонна мұнай қайда жоғалды?

Қазақстанда 5 млн тонна мұнай қайда жоғалды?

Қазақстанда мұнай экспортының ресми статистикасы күмән тудырып отыр. Бірнеше сарапшы мен блогер 5 млн тонна мұнайдың есептен түсіп қалғанын мәлімдеді.

Ресми деректер не дейді?
"Energy Monitor" қорының мәліметінше, 2025 жылдың қаңтар-сәуір айларында Қазақстан 21,3 млн тонна мұнай экспорттаған. Бұл 2024 жылмен салыстырғанда 12%-ға төмен көрсеткіш.

Алайда елдегі мұнай өндіру көлемі артқан. Союз нефтесервисных компаний Казахстана директоры Нұрлан Жұмағұлов атап өткендей, 2025 жылдың алғашқы төрт айында елде 32,9 млн тонна мұнай өндірілген. Бұл 2024 жылмен салыстырғанда 9%-ға көп.

Қайшылық неде?

• 4,7 млн тонна мұнай ішкі нарықта сатылған.
• Технологиялық шығындар мен газоконденсат тұрақсыздығы есепке алынған.
• Бірақ, 6,9 млн тонна мұнайдың нақты қайда кеткені белгісіз.

Сарапшылар не дейді?
Жұмағұлов: "1-2 млн тонна техникалық шығынға кетуі мүмкін. Бірақ 5 млн тонна мұнай қайда? Қысқа мерзімде үлкен мұнай қоймасы салынды ма?".

Аналитик Олжас Байділдинов Қазақстанның Өзбекстаннан аномалды көп электр энергиясын импорттағаны туралы деректердің де күмәнді екенін айтады. Ол бұл статистикалық қателік болуы мүмкін деп болжайды.

Сарапшылардың пікірінше, Энергетика министрлігі бұл мәселеге араласуы тиіс. Егер мұнай экспорты нақты бақыланатын болса, 5 млн тонна мұнайдың жоғалуы секілді жағдайлар болмас еді.

Дереккөз: Злобная татешка