Қазақстандық спецназ Дубайдағы жарыста үздік үштікке енді

Дубайда өтіп жатқан UAE SWAT Challenge жарысында Қазақстанның Мемлекеттік күзет қызметінің (СГО) «Сардар А» командасы екінші кезеңнің жеңімпазы атанды, деп хабарлайды POLITICO.KZ.

Спецназ сарбаздары тапсырманы 00:53:39 уақытында сәтті орындады. Екі күндік жарыс нәтижесінде «Сардар А» жалпы есепте үшінші орынға көтерілді.

Айта кетейік, жарыста ең үздік нәтижені бұған дейін ҚР ІІМ-нің «Сұңқар» командасы көрсеткен болатын. Қазіргі уақытта «Сұңқар» жалпы есепте екінші орында тұр.

UAE SWAT Challenge турнирі биыл 5 ақпанға дейін жалғасады. Бұл халықаралық додаға 80-нен астам елден 106 команда қатысуда. Қазақстан атынан 12 арнайы жасақ қатысып жатыр.