Қазақстанның бас мешітіне «Нұрсұлтан мешіті» атауы берілді

05.07.2026 12:16 Қарақат АСЫЛОВА
Қазақстанның бас мешітіне «Нұрсұлтан мешіті» атауы берілді
243

Қазақстанның бас республикалық мешітіне ресми түрде «Нұрсұлтан мешіті» атауы берілді, деп хабарлайды Politico.kz.

Қазақстан мұсылмандары діни басқармасының мәліметінше, жаңа атау ресми қолданысқа енгізілген. Басқарма өкілдері мешіттің ел мұсылмандары үшін маңызды рухани орталық болып қала беретінін атап өтті.

Сондай-ақ, мешіттің қоғамдағы бірлік пен татулықты нығайтуға, ізгілік, мейірім және өзара құрмет құндылықтарын дәріптеуге бағытталған қызметін жалғастыратыны айтылды.

Айта кетейік, Астанадағы бұл мешіт 2022 жылдың тамыз айында ашылған. Оның құрылысына бастамашы болған – Қазақстанның тұңғыш президенті Нұрсұлтан Назарбаев. Бүгінде ол Қазақстандағы және Орталық Азиядағы ең ірі мешіт саналады.

Войдите, чтобы оставить комментарий