Қоғамдық орындарда айқай-шу шығарып, балағаттайтын әйелдер бар - Тоқаев

Мемлекет басшысы Қасым-Жомарт Тоқаев қазақстандықтар арасында қоғамдық орындарда жанжал шығару қалыпты құбылысқа айналып бара жатқанына алаңдаушылық білдірді, деп хабарлайды POLITICO.KZ. 

«Ашығын айтуымыз керек, бүгінде адамдардың бір-бірімен ерегісіп, дөрекі сөйлеп, тіпті жаға жыртысуы жиілеп кетті. Мұндай көріністерді қоғамдық орындарда да, жол үстінде де жиі байқаймыз. Өкінішке қарай, айқай-шу шығарып, балағат сөздер айтып, қоғамдық тәртіпті бұзатындардың арасында әйелдер де бар. Бұл – мәдениетті, өркениетті қоғамға мүлде жат әрекет, елдің халықаралық беделіне де нұқсан келтіреді», – деді Президент.

Сонымен қатар, Тоқаев әрбір азамат мәдениет пен әдепті өзінен бастап, әр отбасы тәрбие мен тәлімге ерекше мән беруі қажет екенін атап өтті.