"Қолын сүйді": Құрманай Бақтиярқызы Мақпал Жүнісоваға ерекше құрмет көрсетті

Қазақ эстрадасының жарық жұлдызы Мақпал Жүнісова желіде Құрманай Бақтиярқызымен кездесуінен видео жариялады. Көптен бері көріспеген өнер иелерінің қауышуы аса әсерлі болған, деп жазады nur.kz сайты. Мақпал Жүнісова аталмыш бейнежазбаны Instagram-дағы парақшасында жариялаған. Онда Құрманай Бақтиярқызының той үстінде эстрада жұлдызына амандасып, ерекше құрмет көрсеткенін байқауға болады. Белгілі сазгер Мақпал Жүнісоваға үлкен гүл шоғын тарту етіп, қолынан сүйген. Құрманай Бақтиярқызы өнер иесінің өзі үшін орны аса ерекше екенін айтып, оның ақ батасын алған.

Мен үшін жүрегі де, білегі де қыздай Мақпал ханым ғой. Мақтадай әппақ Мақпалым деп тегін айтпаған ғой. Алла разы болсын бұл кісіге. Жүргенде жолы болсын, барғанда орны болсын. Көзілдірігі көзінде, даналығы сөзінде, Зәкеңді кезінде таңғалдырған, тамсандырған, жан салдырған әнші. Бұлбұлым менің, - деді ол.