Қонақүйде депутаттың төбелескен видеосы тарады

17 ақпан 2026, 10:47 1510

Қонақүйде депутаттың төбелескен видеосы тарады — Фото: видеодан скриншот

Әлеуметтік желіде депутаттың қатысуымен болған жанжалдың бейнежазбасы тарады, деп хабарлайды Politico.kz.

Оқиға 2025 жылғы 2 ақпанда Астанадағы «Аланда» қонақүйінде Шымкент қаласы мәслихатының депутаты Дулат Қуашбаевтың қатысуымен болған.

Оқиғадан кейін депутат өзіне ауыр дене жарақатын келтіру және бұзақылық дерегі бойынша полицияға арыз түсірген. Оның өтініші негізінде қылмыстық іс қозғалған.

Алайда бейнебақылау камераларындағы жазбаларда жанжалдың басталуына депутаттың өзі түрткі болғаны байқалады.

Осы жағдайға байланысты ресми түсініктеме алу үшін материалды Астана қаласының Полиция департаментіне жолдадық. Қазіргі уақытта жауап күтілуде.