Қостанайда әйелді көлік қағып өлтірген

Қостанайда 35 жастағы әйелді көлік қағып, мерт болды. Жүргізуші оқиға орнынан қашып кеткен. Марқұмның денесін таңертең жолдан өтіп бара жатқан жүргізушілер байқап қалған, деп хабарлайды Politico.kz КТК телеарнасына сілтеме жасап.

Қаза тапқан әйел Лисаковск қаласының тұрғыны болған. Оның денесі жол жиегінен табылған.

Полиция оқиғадан кейін «Ұстау» жоспарын жариялаған. Бірнеше сағаттан соң 42 жастағы күдікті анықталып, ұсталды.

Алдын ала мәлімет бойынша, әйелді ақ түсті кроссовер қағып кеткен. Соққыдан көліктің бамперінің бір бөлігі сынып түскен.

«Көлік Қостанай қаласында қысқа уақыт ішінде анықталды. Күдікті ұсталды. Қазір оқиғаның барлық мән жайы анықталып жатыр», деді Қостанай облыстық полиция департаментінің аға инспекторы Екатерина Рабцун.

Тергеушілер жол апатының қалай болғанын анықтап жатыр. Жүргізуші оқиға орнынан кетпегенде әйелдің өмірін сақтап қалу мүмкіндігі болғаны да тексерілуде.

ЖКО Жүргізуші Көлік Полиция Қайғылы жағдай Қостанай Қылмыстық іс

Бізді Google-дың негізгі дереккөздер тізіміне қосыңыз

Қосу

Қостанайда әйелді көлік қағып өлтірген

Соңғы жаңалықтар